aiaraldea.eus

Abenduaren 26ko Udal Osoko Bilkuran bozkatuko da Pio XII kalearen izen aldaketa

Erabiltzailearen aurpegia Erredakzioa   Politika  Laudio

Abenduaren 26ko plenoan bozkatuko da Pio XII kalearen izen aldaketa. Hala jakinarazi dute udal-gobernuak.

Azaroko osoko bilkurara eraman zuen EH Bilduk kale horri “Batzalarrin” izena jartzearen proposamena. Baina Natxo Urkixo alkateak puntua mahai gainean uztea erabaki zuen azken momentuan, mozioa auzokideekin kontrastatzeko denbora izateko.

"Denetariko iritziak"

Abenduaren 26ko plenoan bozkatuko da Pio XII kalearen izen aldaketa. Hala jakinarazi dute udal-gobernuak.

Azaroko osoko bilkurara eraman zuen EH Bilduk kale horri “Batzalarrin” izena jartzearen proposamena. Baina Natxo Urkixo alkateak puntua mahai gainean uztea erabaki zuen azken momentuan, mozioa auzokideekin kontrastatzeko denbora izateko.

"Denetariko iritziak"

Izen aldaketaren aurkako sinadura bilketa abiarazi zuen auzokide talde batek. Hori dela eta, kale horretako bizilagunekin bilera bat egin du udal-gobernuak. “Bi ordu inguruko bilera bat izan da eta izen aldaketaren zergatiak azaldu dira bertan”, zehaztu du Jon Ander Altube alkateordeak. “Denetariko iritziak” egon direla azaldu du Altubek. “Izen-aldaketarekiko beldurra dago auzokideen artean, baina egon dira baita izen-aldaketa defendatzera bertaratutako bizilagunak ere”, ziurtatu du.

Aurretiazko informazio edo jakinarazpenik egon ez izana leporatu diete auzokideek udal-gobernuari. Zentsu horretan, Altubek aitortu du hori izan dela, seguru asko, udal-gobernuaren partetik egitea falta izan dena. “Horregatik egin dugu bilera hori. Proposamena auzokideen iritziekin kontrastatu dugu. Orain udal-talde bakoitzari dagokio 26an zer bozkatu erabakitzea”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa