aiaraldea.eus

“Politikoki errentagarriak” izaten ez zaizkiolako kritikatu ditu Omniak auzo batzarrak, EH Bilduren ustez

Erabiltzailearen aurpegia Erredakzioa   Politika  Laudio

Auzo batzarren harira Omniak eginiko kritikei erantzun die EH Bilduk. “Koalizioaren aurka Omniak abian duen kanpaina etengabearen testuinguruan” kokatu ditu Jon Ander Altubek kritika horiek. “Kasu honetan auzo batzarren aurkakoak izan dira, baina beste edozerren kontrakoak izan zitezkeen”, azaldu du. Zentzu horretan, alkateordeak zehaztu du udal-gobernuak aurtengo auzo-batzarren “balorazio positiboa” egiten duela.

Auzo batzarren harira Omniak eginiko kritikei erantzun die EH Bilduk. “Koalizioaren aurka Omniak abian duen kanpaina etengabearen testuinguruan” kokatu ditu Jon Ander Altubek kritika horiek. “Kasu honetan auzo batzarren aurkakoak izan dira, baina beste edozerren kontrakoak izan zitezkeen”, azaldu du. Zentzu horretan, alkateordeak zehaztu du udal-gobernuak aurtengo auzo-batzarren “balorazio positiboa” egiten duela.

Guk batzar horien bertuteak ikusten ditugun tokian ikusten ditu Omniak akatsak”, adierazi du Altubek. “Badirudi batzar horiek ez direla interesgarriak Omniarentzat, politikoki errentagarriak ez direlako”.

Udal moduan gerturatzen gara bilera horietara, eta auzokideek udalari interpelatzen diote”, azaldu du alkateordeak. “Hori da frogatzen duena EH Bilduk ez dituela auzo batzarrak modu partidista batean erabiltzen”, zehaztu du Altubek, eta gaineratu du hor duela arazoa Omniak, ez duelako “joko-politikorako tarterik” topatzen. “Batzarrak udal tresna direlako kritikatzen gaitu parte hartzea bere ADNan duela dioen alderdi politiko batek”.

Omniaren urrunketa”

Mediatikoak ez diren foroetatik apurka-apurka aldentzen ari da Omnia”, salatu du Altubek. Auzo batzarrak jarri ditu horren adibide gisa: “Lehen auzo batzarrean gainontzeko zinegotziekin eseri ziren Omniakoak, bigarrenean ere. Baina hirugarrenean Alvaro Barrios -Omniako ordezkaria- altxatu  zen eta publikoarekin esertzea erabaki zuen. Orduz geroztik egin diren beste bost batzarretan alderdi politiko horren ordezkari bakarra ere ez da gurekin mahaian eseri”.

Modu horretan, “urruntzea irudikatu” nahi dutela uste du Altubek, eta azpimarratu du askoz aktiboagoa izan dela auzokideen parte hartzea batzarretan Omniako kideena baino.

Bigarren adibidea ere jarri du EH Bilduren ordezkariak: Tokiko Gobernu Batzarrena. “OMNIAk sei aste daramatza batzar horietan parte hartu gabe. Bertaratu dira, baina ez dute behin ere ez parte hartu, eta bozkatu diren afera guztietan sistematikoki abstenitu dira”. Zentsu horretan, alkateordeak azpimarratu du OMNIAk “ateak irekita” dituela foro horietan guztietan parte hartzeko.



Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa