Asteleheneko udal osoko bilkuran onartu zuten aho batez EAJk eta EH Bilduk aurkeztutako mozioa. Testu horretan eskatu zuten azkartzea eskualdeko saneamendu-sistema hobetzeko lanak.
Espainiako Gobernuari exijituko diote Nerbioigoieneko saneamendu-sistemaren proiektua eta aurreproiektuak idazten amai dezala ahal bezain laster eta behin idatzita lizita eta eslei ditzala.
URA eta Arabako Foru Aldundia
Hala ere, beste bi erakunderekin jarriko da harremanetan Laudiok Udala. Horrela, URA Agentziari eskatuko dio bere aurrekontuetan diru-zuzkidura nahikoa horni dezala Laudioko Basaurben eta Amurrioko Markixanan kolektoreen eta hondakin uren araztegien sarea eraiki ahal izateko behar diren lurrak desjabetu edota eroste ekintzak burutu ahal izateko.
Arabako Foru Aldundiari, ordea, gogoratuko diote elkarlanean lan egin behar duela URArekin obra horiek egikaritzeko beharrezkoak diren lurzoruak eskuratzeko.
Udalaren konpromisoak
Dena den, tokiko erakundeak ere ardurak hartuko ditu bere gain. Horrela, adierazi du kolektoreak kokatuko diren lurzoruen jabeekin bitartekaritza-lanetan laguntzeko asmoa.