Laudioko Udalak 60.621 euroko inbertsioa egingo du Ermu Andra Mariko apaiz etxean teilatua konpontzeko. Prefabricados y Construcciones Modulares enpresak eskuratu du kontratua (guztira lau enpresa aurkeztu dira lehiaketara). Lana egikaritzeko 4 aste izango dute.
2016an 140.000 euro bideratu zituzten aurrekontutik bertako ondarea berritzeko, beraz, oraindik 80.000 euro inguru dauzkate apaiz etxeko zaharberritzearekin jarraitzeko.
Izan ere, udala berezko bitartekoekin prestatzen ari da hurrengo proiektua. Antza, guztiz berritzeak 182.000 euroko inbertsioa ekarriko luke, gutxi gorabehera. Hortaz, 2017ko aurrekontuetan ere dirua inbertitu beharko dute.
Orotara, bertan 242.000 euro inbertitzeko asmoa dauka udalak.
Apaiz etxea
Eraikinak bi solairu ditu. Behekoa taberna-jatetxea izatea nahi du udalak, bisitariek eta mendizaleek erabili dezaten. 31 pertsonentzako lekua izango du. Lehenengo soilairua, ordea, kudeatzaileek erabiliko dute, inguruak ere dinamizatu ditzaten.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
