LIPmesa enpresak bizi duen egoera larria apurka-apurka argitzen ari da. Atzo LIPmesa enpresako zuzendaritzak eta langile batzordeak bilerak egin zituzten eta 55 urte baino gehiago duten langileentzako irtenbide bat adostu zuten.
Pentsioen inguruan PPk egindako azken erreforma indarrean egon baino lehen akordiora heldu dira langileak eta zuzendaritza. Hori esker apirilaren 15ean baino lehenago enpresak paperak aurkeztuko ditu 77 langileek erretiro aurreratua izan dezaten baldin eta horrela erabakiko balute.
Proposamen ezberdinak
Langile eta enpresa ordezkariek bilera ezberdinak egin zituzten. Lehen bileran zuzendaritzak erretiro aurreratuaren truke baldintza bat ezarri nahi zuen; sindikatuek 75 kaleratze sinatzea.
Sindikatuek, aldiz, iragarri dutenez, ez dute kaleratzeak sinatzeko asmorik. Geroago egindako bileran ordea akordiora heldu zen zentzu horretan.
Bestalde, auzira jotzea adostu zuten eta laster lan gatazka epailearen esku izango da. Horrek esan nadi du hiru asteko kontsultatzeko garaia irekiko dela. Lantegiaren etorkizuna eta iraupena argi ez badago ere, atzo enpresaren abokatuak iragarri zuen aukera bat egon daitekeela beste proiektu bat abian jartzeko.