ZIORTZA SIERRA (Urduña, 1981) duela gutxi hasi da Laudioko Udalean lanean EAJren taldean Nando Lacalleren ordez. Bere ibilbide profesionala Euskaltel enpresan egin du, ekonomia eta finantzaketa arloan eta orain antolakuntzaren esparruan.
Nola jaso dugu zinegotzia izateko ardura?
Ilusio handiarekin jaso dut. Aro berritzat hartu dut nire bizitza pertsonal eta profesionalean. Aldi berean kargu publiko bat hartzeak sortzen duen ardurarekin jaso dut berria.
Uste dut ekarpenak bi zentzutan joango direla. Alde batetik asko ikasi dezaket nire kideengandik nire betebeharrak garatzerakoan eta aldi berean nire esperientzia profesionalaz eta gazteriaz baliatuz ikuspegi berriak eman ditzaket.
Nola sartu zinen politika munduan?
Betidanik deigarria iruditu zait politikaren mundua. EAJko hauteskunde zerrendatan parte hartzeko aukera sortu zitzaidanean pentsatu duen herriari nire ekarpenak egiteko modu aproposa zela.
Zeintzuk izango dira zure betebeharrak?
Ogasuna eta ondare arduraduna izango naiz EAJren Laudioko taldean.
EAJko Laudioko talde erdia emakumeak zarete, Nando Lacalle bere postua utzi eta gero, nahigabe izan da edo berdintasuna izan duzue irizpide?
Alderdiak berdintasunaren aldeko apostua egiten du eta horregatik eta udal hauteskundetan aurkeztu ziren zerrendak irizpide hori jasotzen zen, parekotasun legeak markatzen duen moduan.
Duela bi aste inguru izan zen zure lehenengo Udal Osoko Bilkura, nola bizi zenuen?
Harik eta kargua zin egin arte urduri eta ilusioz bete egon nintzen. Harro nago herriko hainbat herritar ordezkatuko ditut eta, baina bereziki gustoko dut lanaren bitartez guztion egoera hobetzea.