Eguraldi txarra dela eta, Laudioko Udalak zabaldu die herritarrei hainbat aholku haien segurtasuna bermatzeko. Esparru ezberdinetan bereiztu ditu gomendioak.
Zirkulazio errodatuan hauek izan dira zabaldutako puntuak:
-
Egon etengabe informatuta inguruko egoeraz.
-
Beharrezko ez diren irteerak saihestu, hala udalerrian zehar, nola udalerritik kanpo.
-
Zirkulatu astiro; begira izotz plakak daude eta; ziurtatu dutenez gau eta egun iraungo duten.
-
Ohikoa baino segurtasun tarte handiagoa gorde aurreko ibilgailuarekiko.
-
Ahal baduzu, saihestu galga erabiltzea eta bolantearen bat bateko mugimendu arinak.
-
Arreta gehiago ipini alda edo malda luzeetan.
Oinezkoen zirkulazioari dagokionez, aldiz, Udalak alde hauek azpimarratu ditu:
-
Erabili arropa eta oinetako egokiak hotz handiko egoeretarako.
-
Baieztatu espaloien egoera eta horietan izotzik dagoen ala ez, bereziki, aldatz gora edo maldan beherako zonetan.
-
Jarraitu babes lanetako pertsonen jarraibideak.
-
Ez irten zeure etxetik nahitaezkoa ez baduzu.
Bukatzeko, larrialdi baten aurrean, erakundeak telefono hauetara deitzea gomendatu du:
-
Udaltzaingoa 944 034 888
-
SOS DEIAK 112
-
Trafikoari buruzko informazioa (Eusko Jaurlaritza) 011