Jai-eredu parte-hartzaile bat lortzeko “urrats esanguratsuak” eman direla adierazi du koordinakundeak
40 ekitaldi inguru eskainiko dituzte aurtengo San Roketan Jaiak Koordinakundea osatzen duten elkarte, talde eta koadrilek. Koordinakundeko kideek adierazi dute “adin eta gustu guztietarako ekintzak” antolatu dituztela. Lehenengo ekintza gaur izango da, goizeko hamarretan, Alberto Acero kalean. Gosari Herrikoia egingo dute bertan. Jaietako azken ekintza, aldiz, “Roketxuri agur esateko kalejira” izango da, abuztuaren 26ko gauean.
Hortaz gain, Jaiak Koordinakundeak adierazi du aurten jai-eredu parte-hartzaile bat lortzeko “urrats esaguratsuak” eman direla; eta jai-batzordearen eratzea goraipatu du; hori delako, koordinakundearen hitzetan, “jaiak bultzatzeko bide egokia”.
Txupineroaren figuraren harira, urtero koadrila batek ardura hori hartuko duela jakinarazi du Koordinakundeak. Hala, aurtengo txupineroa Ñorála kodrilako Luis Mari Tomé izatearen arrazoia honek jaien alde egindako lana saritzea izan dela adierazi du. “Zalantzarik gabe, jai-talde guztion ordezkari paregabea izango da”, Koordinakundearen arabera.