Fontso Larrazabalek adierazi duenez, udan hainbat konponketa egingo dira Kiroldegian eta Aretako Frontoian. Udal kiroldegiak ateak itxiko ditu uztailaren 6an. Langileek itxiera hau aprobetxatuko dute konponketak eta hobekuntzak egiteko.
Ate batzuk dutxak eta igerilekuak zuzenean lotzeko lanak egingo dira, gimnasioan makina berriak jarriko dira eta sabaia konponduko da, igerilekuetako uraren beroa ez galtzeko sistema bat ipiniko da ere eta areto-futboleko zorua egokituko da, adibidez.
Ellakuriko azpiegituretan ere obrak egingo dira, atletismo aldagelak eta hoditeriak berrituko dira. Aretako frontoian zorua konponduko da eta ormak berriro margotuko dira.
Rokodromoa ez da momentuz egingo
Udal taldearen asmoa kiroldegian rokodromo bat ipintzea zen. Nahiz eta obra hauek garestiak ez izan, 18.000 euro, arazoak daude proiektua aurrera eramateko. Oztopo handiena kokapena da, polikiroldegian ez baitago leku nahikoa.
Beste aukera batzuk pentsatuko dituztela esan dute udal ordezkariek. 100 edo 200 pertsonek eskalada praktikatzen omen dute Laudion eta Udalak kirolari hauei irtenbide bat eman nahi die.