OIER VELEZ SANJURJO (Gasteiz, 1989) Aiaraldeko sortzaile gaztea da. Bere ibilbide artistikoa, momentuz, Laudion geratu da, Kultur Etxean hain zuzen ere. Leku honetan erakusketa bat ireki du Oierrek kide batekin.
Nola hasi zinen margotzen?
Egia esanda kalean hasi nintzen, graffitiekin. Pixkanaka mural apaingarriak egiten hasi nintzen elkarte ezberdinetarako. Horrela, pasaden urtean akademizatzea bururatu zitzaidan eta arte ederren graduan hasi nintzen jakintza berrien bila. Urte bete pasatxo daramat kuadroak margotzen eta egia esanda berriro lortu dut lehen graffitiekin lortzen nuen zirrara hori berpiztea.
Zergatik egin duzue erakusketa hau batera?
Arteta eta biok elkar ezagutu genuen duela pare bat urte, graffiti lehiaketa batean. Hortik aurrera harremana mantendu izan dugu gaur arte, eta espero dut luzaroan irautea. Erakusketa honen ideia arte ederren fakultatetik atera zen, berez bakoitzak bere estilo propioa izanda bere obrak eta nireak zeharo ezberdinak dira, hala ere erakusketa bateratua egitea erabaki genuen, nire ustez aniztasuna enaten diona esposaketari.
Zer teknika mota erabiltzan dituzue?
Teknikei dagokienez nire kasuan akrilikoa erabili dut obra guztietan, laminetan izan ezik. Bertan, akuarela, konte barra eta ikatza erabili ditut. Badago arte lan esanguratsu bat non serigrafiaren teknika erabili dudan. Artetaren kasuan oleoa, margo akrilikoa, litografia, boligrafoa eta akuarela erabili ditu.
Zer nolako gaiak agertzen dira margo lan hauetan?
Nire kasuan gai ezberdinak erabili ditut, denak kritikoak eta gaur egungo gizartearekin lotuak. Besteak beste pobrezia, emakumearen egoera, globalizazioa....
Artetak berriz, zenbait musikari esanguratsu erretratatu diru, baita modeloren bat. Horrez gain, zenbait gai kritiko erabili ditu ere.
Zer da gehien betetzen zaituena?
Ba egia esanda niretzako artea kritikoa sortzea da betetzen nauena, ikuslearengan erreflexio bat sortzen duten obrek. Izan ere arazo eta akats ugari dago gaur egungo gizartean, eta hauek margotzearen bidez plazaratzea da nire asmoa.