Aceros enpresan sortutako koru honek 30 urte bete ditu
Santa Luzia abesbatza arduratuko da abuztuko San Roke jaietako pregoia idazteaz. 30 urte betetzen ditu aurten koruak, 1972an sortu baitzuen Aceros enpresako langile talde batek. Handik denbora batera eskualdeko beste enpresa batzuetako langileak sartu ziren, eta ateak zabalik utzi zituzten gero, nahi zuen oro abesbatzako kide izan zedin.
Hala, gaur egun 40 dira abesbatza osatzen duten pertsonak, denak gizonak, ahots grabedunak. Beatriz Zurimendi da koruaren zuzendaria, eta ugariak dira abesbatzak jorratzen dituen estiloak: XV. mendeko musika erlijiosotik, euskal folkloretik ateratako abesti profanoetara.
Euskal Herrian soilik ez, nazioartean ere emanaldiak eskaini ditu abesbatzak. Hala, dozenaka sari eta aipamen jaso dituzte, atzerriko zenbait hiritan Ohorezko Ostalari izendatuak izateraino.
Hortaz gain, ArteOn Fundazioaren bultzatzaileetako bat da abesbatza. Musikaren ikaskuntza, gozamena eta dibulgazioa “gizarteratzea” da Fundazioaren helburua, Santa Luziako kideen arabera.