Laudion gaur egin den Udal Osoko Bilkuran Paula Cuesta alderdi popularraren zinegotziak Gerra Zibilean hil zituzten Bando Nazioaleko laudioarrak aitortzea eskatu du.
Popularren ordezkariak eskaera hau mozio baten bitartez aurkeztu du eta Laudio Memoria taldeak jarritako plakan hildako errepublikarrak eta zibilak baino ez jaso izana salatu du. Paula Cuestaren ustez, talde honen lana partziala da eta errebantxan oinarritu da. Cuestak adierazi du Bando Nazioanalaren hildakoak jasotzen zuen zerrenda eman ziola Laudio Memoria taldeari baina ez duela horren berririk jaso.
Dena den, mozioak ez du aurrera egin. Omnia taldeko ordezkaria abstenitu egin da. Jarrera berdina mantendu du PSEren udal taldeak. Bildu eta EAJk, aldiz, aurka bozkatu dute. Mikel Lasak adierazi du alderdi jeltzaleen ideiak zeintzuk diren kontuan izanda ezinezkoa zela haiek aurkeztutako testuaren alde egitea.