OMNIA eta PSEk babestu dituzte udal taldeak aurkeztu dituen aurrekontuak. Atzoko ez ohiko udal osoko bilkuran, beraz, onartu ziren 2013ko aurrekontuak. Nahiz eta PP eta EAJ abstenitu ziren, atzokoa oso bilkura lasaia izan zen eta talde guztiek eskertu zuten Bilduk izan duen jarrera.
Modu horretan, opozisioan aritzen diren taldeek ekarpenak egin dizkiote azkeneko zirriborroari eta udal taldeak zuzenketa horietako asko jaso ditu. Dena den, zuzenketa guztiak adostu ez direnez, PP eta EAJ abstenitu egin ziren.
Aurrekontu kopurua eta asmoak
22 milioi euro baino gehiago jaso ditu Udalak eta diruzaintzaren soberakinak 2,8 miloi euro dira, aurrekontuak guztira 25,2 miloi euro jasotzen ditu. Hala ere, 2012an baina %3 txikiagoa da aurtengo aurrekontua.
Oposizioan dauden taldeen eskaeretako batek erabateko babesa jaso du, herriko talde ezberdinei ematen zaizkien diru laguntzak mantentzearenak. Bilduk, bestalde, Udalaren komunikazio proiektua indartu nahi du Zuinaren bitartez eta horreterako inbertsio bat aurreikusi du.
Gainera, etorkizunari begira, Aretako hiltegia berrituko da. Gaur egun bi hiltegin baino ez daude EAEn, eta Aretakoan egin asmo duten apostu estrategiko honek enplegurako aukerak sortu ditzakela uste dute talde guztiek.
Aipatzekoa da ere gizarte-laguntza bikoiztuko dela, enplegu lokala bultzatzeko 65.000 euro inbertituko direla eta euskara sustatzeko 15.000 euro gehiago erabiliko direla.
Murrizketak, batik-bat, protokolozko arretan, tokiko gobernu atalean, Kuadrillari egiten zaion ekarpenean, dietetan eta lan poltsan eman dira.