Gaur egun Obduliak, Aretako emakume nagusi eta alargunak alokairua ordaintzen dio Banco Santanderri berea izandako etxebizitzan bizitzen jarraitu ahal izateko. Etxetik kaleratzea ekidin zuen arren, gaur eguerdian, Miren Mentxaka Stop Desahucioseko kidea eta Aretako Obduliaren abokatuak bilera izan du Banco Santaderreko ordezkariekin Obduliak ordaintzen duen alokairuaren kopuruaz hitzegiteko.
Miren Mentxaka abokatuak Banco Santanderreko ordezkariei jakinarazi die Obduliak alokairuagatik ordaindu behar duen diru kopurua gehiegi dela Aretako bizilagunak dituen diru sarrerak kontuan izanda. Beraz, Miren Mentxaka kopuru hori negoziatzen saiatu da.
Banketxeko ordezkariek abokatuari adierazi diote eurek ez dutela gai honen gainean erabakitzeko ahalmenik. Hagatik, proposamen hori Madrilen aztertu eta hartzen duten erabakia Obduliari jakinaraziko diotela azaldu dute. Miren Mentxaka abokatua itxaropentsu agertu da.
Elkartasun elkarretaratzea kalean
Batzarra egiten ari zen bitartean Stop Desahucios plataformak deitutako elkarretaratzea egin da Jado Plazan, Banco Santanderrek Bilbon daukan egoitzaren aurrean. Deialdiarekin bat egin du OMNIA taldeko kide batek.
Aipatzekoa da Laudioko alderdiek etxe-botatzeei aurre egiteko protokolo bat hedatzeko beharra adostu zutela atzo udal osoko bilkuran.