Bi hitzaldik osatuko dute mintegia
Guardian enpresak Beira, hausnarketa izeneko mintegia eskainiko du Nafarroako Unibertsitatean, Iruñan. Mintegia Arkitekturako azken kurtsoan dabiltzan ikasleei zuzendua dago eta bi hitzaldik osatuko dute. Lehengoa Guardian Llodioko kalitate arduraduna den Antonio Girbauren eskutik jasoko dute ikasleek, bihar. Beiraren fabrikazio eta ezaugarriei buruz mintzatuko da Girbau bertan.
Mintegia bukatzeko baina, martxoaren 21erarte itxaron beharko dute ikasleek. Orduan joango baita beraien fakultatera Guardian Glaseko aholkulari teknikoa den Jose Maria Jimenez, geruza anitzeko beirei buruz hitz egitera.
Mintegia Guardianek Unibertsitateekin elkarlana sustatzeko duen politika aktiboaren baitan sartzen da, enpresako arduradunek adierazi dutenez. Euskal Herriko eta Deustuko Unibertsitateekin aurretik elkarlanean aritu direla azpimarratu dute gainera.
Multinazional amerikarra
Guardian Industries iparamerikarraren eskumendeko enpresa da Guardian Glass, eta beiraren fabrikazio eta moldaketa jorratzen ditu. Bere egoitza nagusia Laudion dauka eta bertatik kudeatzen ditu multinazional amerikarraren estatu espainiarreko beste bi fabrikak: Guardian Tudela y Guardian Express.