Laudioko Udal taldea oso harro agertu da Eusko Jaurlaritzarekin adostu duen konpromesu berriarekin. Ura agentziak egin duen jarrera aldaketari esker San Joan errekaren bideraketak behar dituen obrak 2012an hasi daitezke, lehentsasun guztia daukate eta. Albiste honek ez du esan nahi bakarrik uholde arriskuak murriztuko direla. Proiektu honek jasotzen du 300 etxebizitzen eraikuntza eta etxe berri hauekin berlojatu behar diren pertsoneei irtenbide bat aurkitzea erraztuko du.
Nahiz eta aurreikusita egon ez, Eusko Jaurlaritza prest dago lehen fasean behar den 1,2 miloi horri lehentasuna emateko ahalik eta lasterren. Horretarako, instituzioen arteko akordioak azkartu beharko dira. Laudioko Udala Etxebizitza sailarekin harremanetan dagoen arren, proiektua aurrera egin arte, berlojapenak emango diren baldintzak ezin ditu zehaztu Bilduk.
Bestalde, alderdi independentistak ziurtatu du Arrañoko auzoan antenarekin zegoen gatazka konpontzeko bidean dagoela. Udalak argi adierazi zion Abertisi ordenantza bete behar zuela eta enpresak, azkenengo momentuan aurkeztutako proiektuan izan bada ere, legea errespetatuko du. Horrela, Abertisek hirigunetik kanpo eramango du antena eta 12,5 metroko altuera izango du, gehienez. Gainera, hitzarmen bat sinatu behar dute Udalak eta enpresak. Akordio honi esker udalak Abertisen partetik dirua jasoko du, orain arte enpresak ez zuen ezer ordaintzen eta.
Omenaldia
Bukatzeko, Udalak iragarri zuen 1977ko bederatzi zinegotziei omenaldi bat eskeiniko diela. Bederatzi zinegotzi hauek Udal Kudeaketa Alternatiba aurkeztu zuten hauteskunde demokratikoak izan baino lehen. Alternatiba honek auzo asanbladen parte hartzea jasotzen zuen eta gaur egun indarrean dagoen sistemaren oinarri izan da. 35 urte pasa ondoren, Udala talde honi eskertu nahi dio egindako lana. Bederatzi pertsona hauen artean Pablo Gorostiaga dago. Omenaldia urtarrilaren 30ean izango da eguerdian Udaletxean.