Ohiala Zabaltzen taldeak 23 hiru urte eman ditu antzerkia egiten, hala ere, gauza berriak estreinatzeko irrikitan daude. Urtarrilaren 8an antzezlan berri bat aurkeztuko dute Laudioko La salle Ikastetxean. Aitor Urquijorekin taldearen esperientzia eta gaurkotasunari buruz hitzegun genuen.
Urte asko darama Ohiala Zabaltzen lanean Laudion. Laburbildu dezakezu ibilbide hau?
Duela 23 urte hasi ginen ikaskide talde bat bezala. Jorge, La Salleko anaia, irakaslea zen eta berak pentsatu zuen antzerki taldetxo bat egitea. Gero, la Salleko anaiak joan ziren Laudiotik eta gu bakarrik geratu ginen eta, gehiegi pentsatu gabe jarraitzea erabaki genuen. Orain arte.Ez garela antzerki tade bat esaten dugu guk, baizik eta adiskide talde bat antzerki egitea gustatzen zaiona. Ez da gauza batere berbera.
Zeintzuk dira antzerki talde honen ezaugarriak? Zer nolako ikuspegitik lantzen duzue?
Orain 17 inguru gara. Noski, batzuen parte hartzea ez da oso egonkorra. Bestela, guk egiten eta prestatzen dugu dena. Nik esaten dut gurea “antzerki burgesa” edo “entretenigarria” dela, ez baitugu egiten gauza arrarorik edo esperimentalik. Gure helburua ondo pasatzea eta jendea ondo pasatzea da, besterik gabe.
53 antzezlan egin dituzue 23 urte hauetan, zein izan da zuen gustukoena?
Taldekide bakoitzak seme bat bezala ikusten du antzezlan bakoitza. Orduan, nahiz eta batzuk hobeto portatu, gureak dira guztiak. Dena den, “EM, el mensajero” (1991. urtean estreinatua) edo “La sombra del atardecer” (2004. urtean eginda) bereziak dira. “Los arboles mueren de pie”, Alejandro Casonarena, polita izan zen ere.
Haurten "Bienvenidos al Sur" aurkeztuko duzue. Izen berdineko filmean oinarrituta dago. Zergatik erabaki duzue hau egitea eta zergatik joan beharko ginateke ikustera?
Ikusi zuela eta gustatu zitzaiola esan zuen taldekide batek eta horrela hasi genuen proiektua. "Bienvenidos al Sur" giza alegi bat da, non erakusten den aurreiritziak eta harrokeria gure bizitzan gehiegi agintzen dutela. Umorez eta emozioz beteriko lan bat da. Bertan, pertsonai garrantzisuena jabetzen da, aurreiritzi eta harrokeritik haratago, pertsona miresgarri eta maitagarriak ezkutatzen direla, eta haiek bere bizitza guztiz aldatuko dute betirako. Ezin egokiagoa da "Bienvenidos al Sur" Gabonetan ikusteko.