Gaur gauean laudiarrek zita berezi bat daukate herriko plazan. Herriko jaien baitan, Jose Luis no me mires con el ojo de cristal taldeak Pirulo Monster Txou ikuskizuna eskiniko baitu. Musika talde horrek abesti ezagunen bertsio laudioarrak eginez osatzen ditu bere ikuskizunak, baina askoz jende gehiagoren laguntza jasotzen du. Ugariak baitira, musikariez gain, emanaldian parte hartzen duten pertsonak.
Hori dela eta, atzo Pirulo Txouaren azken entsegura hurreratu ginen, aurtengo Monster Txou ikuskizunak izango dituen berritasunen berri izateko.
Zer eskainiko die Pirulo Monster Txou ikuskizunak abuztuaren 24an Laudioko herriko plazara hurreratzen direnei?
Herriko Plazan beldurra ematen duten gauzen errepaso bat emango dugu. Umoretsua eta musikala.
Zerk desberdintzen du Pirulo Txou ikuskizunaren edizio hau aurrekoetatik?
Beti daude berrikuntzak. Hobetzeko eta ikasteko. Dekoratua zainduko dugu eta lehen aldiz makillatuko gara. Pirulometro-sexualak garelako. Eta sorpresaren bat ere egongo da...
Ikuskizuna aurrera eramateko jende askok parte hartzen du, nola moldatzen zarete parte hartzaile guztien arteko funtzionamendu egokiabermatzeko?
Aurten 40 pirulero izango gara. Gure errekorra. Gidoi bat daukagu, entsegu asko, bakoitza bere lana dauka eta inprobisazioa egiteko atea beti zabalik uzten dugu.
Jada 22 urte daramazue ikuskizun hau antolatzen. Ez al zarete inoiz nekatuko?
Primeran pasatzen dugu gure bar hobby honekin. Hori galtzen ez bada aurrera jarraituko dugu.