aiaraldea.eus

OMNIA da Laudioko auzo-plataforma berria

Erabiltzailearen aurpegia Txabi Alvarado Bañares  Laudio

Laudioko zenbait eragile sozialek OMNIA auzo-plataforma berria aurkeztu dute komunikabideetan. Plataforma honek hurrengo udal-hauteskundeetara aurkezteko asmoa azaldu du. Baina, Manuel Fuentes Gardeako Auzokideen Elkartearen lehendakariaren hitzetan, “denbora gutxi” daukate aurkezteko erabakia hartu eta beharrezko pausoak emateko. Hala ere, “ilusionaturik eta lan egiteko gogoarekin” daudela adierazi du Fuentesek.

Laudioko zenbait eragile sozialek OMNIA auzo-plataforma berria aurkeztu dute komunikabideetan. Plataforma honek hurrengo udal-hauteskundeetara aurkezteko asmoa azaldu du. Baina, Manuel Fuentes Gardeako Auzokideen Elkartearen lehendakariaren hitzetan, “denbora gutxi” daukate aurkezteko erabakia hartu eta beharrezko pausoak emateko. Hala ere, “ilusionaturik eta lan egiteko gogoarekin” daudela adierazi du Fuentesek.

Plataformaren bultzatzaileek OMNIA “apolitiko” eta “ideologiarik gabeko” proiektu bat bezala definitu dute. Alvario Barrios Berlojatzeneko kidearen arabera, “plataformak ideologiarik izatekotan, parte-hartze herritarrean oinarrituko litzateke”. Izan ere, plataformako kideek adierazi dutenez, OMNIAren helburu nagusiena parte-hartze herritar “erreala” bultzatzea da. Horretarako herriko auzo asanblada, kolektibo eta eragile sozialekin kontaktuan jartzen ari dira, proiektuaren baitan “jende gehiago sartzea” nahi dutelako.

OMNIAako kideek plataforma sortzearen ideia aspalditik zetorrela diote. Alvario Barriosen arabera, Berlojatzen sortu eta gutxira agertu zen plataforma sortzearen aukera. Baina denbora falta zela-eta alboratuta utzi zuten. Orain, aldiz, proiektuari berriz ekin diote, eta hurrengo hauteskundeetara aurkeztuz gero, gutxienez “zinegotzi bat” lortzeko asmoa adierazi dute. Horrela, OMNIAkoek “parte-hartze herritarraren, etikaren, gardentasunaren eta komunikazioaren alde” lan egin nahi dute. Izan ere, euren hitzetan, Laudio hiri desmotibatu bat da, zeinetan “gobernariek ez dioten ezerri kasu egiten”.

Aste honetan zehar beste bilera bat antolatuko dute plataformaren xehetasunak zehazteko eta herriko beste eragile sozialak parte-hartzera bultzatzeko.

Erantzunak

Erabiltzailearen aurpegia OVNI-A Erantzuna | #1

Erabiltzailearen aurpegia Anonimo Erantzuna | #2

Erabiltzailearen aurpegia Aitor Erantzuna | #3

Beste bat!!!! zeinen polita den ideologia baten alde lan egin beharrean herriaren alde egiten dela esatea...

Ideologiarik gabeko pertsona, gizaki hutsa da, norabiderik gabekoa eta kontraesanak gestionatu jakin ez eta berauek porrotera eramaten dutena.

Esan nuen, eta berriz esango dut, ken dezagun politikarekiko beldur hori!!

Erabiltzailearen aurpegia tralarai Erantzuna | #4

Erabiltzailearen aurpegia Anonimo Erantzuna | #5

ezin daiteke egon politika alde batera utzita lan egiten duen talderik?? herriaren onerako?? herriaren aldeko interes soila duenik??

nik baietz uste dut. ziuraski beste interes "ajeno" batzuek mugitutakoa baino hobea.

jaiak herritik herriarentzat, zergatik ez udaletzeko zinegotziak herritik herrirentzat bebai??

Erabiltzailearen aurpegia KONTRAESANAK Erantzuna | #6

Erabiltzailearen aurpegia POLITIKA Erantzuna | #7

Erabiltzailearen aurpegia Aitor Erantzuna | #8

Herriaren alde lan egitearena entzun dudan gauzarik indefinituena da. ALDERDI GUZTIEK ESATEN DUTE!

Zer da, bada, alderdi bat bestetik desberdintzen duena, edo sinisgarriagoa egin dezakeena? politikak indartzen duen ideia hori. Alderdi desberdinak daude (ikus ditzagun benetako sozialistak) demokrazia partehartzailearen aldekoak. Noski, horrek sistema berri baten sorkuntza eskatzen du, eta ez da esatea bezain erraza. Behintzat alderdiak asanbladak montatzen baditu bere esparruan sinisgarria izango da, baina, hortik kanpo, herri mailan bai, baina gorago ere egin behar da lan, eta alderdi maila guztiak gestionatzeko, batzeko, nahi ta nahi ez ideologia politiko bat behar da. Hau da, gure herrian parte hartzea, gorago dagoen organismo batek gestionatzen du, mugatzen du. Gure helburuak udal herri mailan mugatzen baditugu, herriaren alde lan egingo dugula eta politikarik gabe egingo dugula esanda, etorkizunik ez dugu, udal herri gainetik, eskualde legeak ditugulako, ondoren erkidegokoak, estatuko lege zuzentzaileetara heldu arte. Hau da, goraka goazen heinean, legeak gero eta zuzentzaileagoak dira, eta, hortaz, udal herri mailako talde apolitikoak, politikatik alde egin ezinean dabiltzan moduan, politika onartzen ari dira, gainetik inposatutako politika, eta udal herriaren eskubideak muga baten barnean defendatuko dituzte, beraz, modu ez eraginkor batetan.

Hortaz, uste dut eztabaida honek ez duela arrazoirik, indar ideologikorik gabeko alderdiak euren kontraesanetan itota desagertzen dira.

Erabiltzailearen aurpegia Oso OMNIA Erantzuna | #9

Ideologia beti dago bai.
Baina desberdina da ideologia bat aurretik ipintzea eta bigarren lekuan herria, alrebes egitea baino.
Lehenengo aukerak herria zatitzen du eta bigarrenak batzen du.
Lehenego aukeran kolore bakar bat dago eta egi bakar bat, bigarrenean ordez kolore eta idei desberdinak daukate lekua.
Lehenego aukera krisialdian dago, bigarrena oraindik ez dugu frogatu.

Erabiltzailearen aurpegia Partehartzailea Erantzuna | #10

Ba egia esan ideologiarik gabeko alderdi batek ez dauka zentzurik. Gauza da ideologia badaukatela, baina ez dutela azalera eman nahi, eta hori kezkatzeakoa da. Motibaziorik gabe eta ideia finkorik gabe ez luke zentzurik izango hauteskendeetara aukerztu nahi izateak, eta parte hartzeaz eta gardentasunaz hitz egin baino, hobe lukete bere asmoestaz hitz egitea, proiektu konkretuetaz.

Erabiltzailearen aurpegia Anonimo Erantzuna | #11

ideologiarik gabekoa? ikusiko dugu norantz joko duten zenbait erabaki hartu beahr direnean.... hau guztia PNVk eta bere parte hartuzek bultzatuta edota beraien lan eskasaren ondorioak direla esan dezakegu. Esaten digute inoiz baino lan handiagoa egin dela herrian parte hartzea bultzatzeko eta hona hemen emaitza: herri ekimenetik parte hartzea bultzatzeko taldea sortu da, orain arte egon denaren desastrea konpontzeko saiakera

Erabiltzailearen aurpegia Anonimo Erantzuna | #12

Hor badago bat bere etxebizitza saldu nahi izan zuena udaletxeari. Ezetz esan ziotenez, mehatxuekin ibili da. OMNIA da, batez ere, pertsona bat edo bi bultzatutako ekimena beren interes pertsonalak defendatzeko. Hori da haien ideología. Diruaren truke honen araso pertsonala ez zen izango herriaren arasoa eta dena komponduta. Zer esango du honetaz AB???

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa