Laudioko Ezker Abertzaleko zinegotziek EAJko politikariek “udala beraien negozioa bermatzeko pribatizatzen ari direla” salatu du, komunikabideei zuzendutako komunikatu baten bitartez.
Idazkian, zinegotziek “udal-jarduera eta autonomia bermatzen ez dituen finantziazio sistema” eta Jon Karla eta EAJren “kudeaketa txarra” kritikatzen dituzte. Beraien hitzetan, alderdi jeltzalea 2003. urtean gobernura iritsi zenean 15 milioi euroko diruzaintza-soberakina zegoen, eta gaur egun ez dago soberakinik.
Laudioko Ezker Abertzaleko zinegotziek EAJko politikariek “udala beraien negozioa bermatzeko pribatizatzen ari direla” salatu du, komunikabideei zuzendutako komunikatu baten bitartez.
Idazkian, zinegotziek “udal-jarduera eta autonomia bermatzen ez dituen finantziazio sistema” eta Jon Karla eta EAJren “kudeaketa txarra” kritikatzen dituzte. Beraien hitzetan, alderdi jeltzalea 2003. urtean gobernura iritsi zenean 15 milioi euroko diruzaintza-soberakina zegoen, eta gaur egun ez dago soberakinik.
Dirua desagertzearen arrazoia EAJk bultzatutako pribatizazioetan dagoela adierazten dute. Horrek, beraien ustez, “langileen lan-baldintzei” eta “zerbitzu publikoaren kalitateari” kalte egiten dielarik. Horretaz gain, Ezker Abertzaleak EAJri "azpikontratatutako enpresa eta zerbitzuak” berriz aztertu eta murrizteko proposamena luzatu ziola azpimarratu eta jeltzaleek proposamenari uko egin ziotela salatzen du.
Horrekin batera, ezker abertzaleko zinegotziek pribatizazioak alderdi politikoentzako eta hauen lagunentzako “sekulako negozioa” bihurtzen ari dela ondorioztatu dute. Horren aurrean, beraiek “udal publiko eta irekiaren aldeko hautua” egiten dutela azaldu dute; “ustelkeria eta negozio pribatuetatik urrun dagoen ereduaren alde”.
Komunikatuaren amaieran, Ezker Abertzalearen udal-taldeari helarazitako zerbitzu eta azpikontratatutako 50 enpresen zerrenda irakur daiteke, nahiz eta, zinegotzien esanetan, “denontzat ezagun diren batzuk” agertzen ez diren.
Ezker aldean atxikita dator komunikatu osoa.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
