aiaraldea.eus

"Zinea eta emakumea" zikloa abian

Erabiltzailearen aurpegia Txabi Alvarado Bañares  Laudio

Udaleko Berdintasun Arloak "Zinea eta Emakumea" zikloaren 4. edizioa antolatu du. Ziklo honen barruan, emakumearen inguruko hainbat ikuspuntu jorratzen dituzten hainbat film proiektatzen ari dira. Proiekzio guztiak Udal Lanbide Heziketa Eskolan  egiten ari dira  eta sarrera doakoa da.

Udaleko Berdintasun Arloak "Zinea eta Emakumea" zikloaren 4. edizioa antolatu du. Ziklo honen barruan, emakumearen inguruko hainbat ikuspuntu jorratzen dituzten hainbat film proiektatzen ari dira. Proiekzio guztiak Udal Lanbide Heziketa Eskolan  egiten ari dira  eta sarrera doakoa da.

            Pasa den bi astetan laudioarrek Precious eta La Luna en tí filmak ikusteko aukera izan dute. Aste honetan, berriz, 80 egunean pelikula ikusi ahal izango da ostegunean arratsaldeko sei eta erdietan. Euskaraz grabaturiko film honek bi emakume edadeturen arteko maitasun istorioa du ardatz.

            Hurrengo asteko azaroaren 18an Mamá esta en la peluqueria proiektatuko da, hainbat familia arazori aurre egin behar dion emakume baten nondik norakoak kontatzen dituen filma. Emanaldia ordu berean izango da.

            Una palabra tuyarekin emango zaio bukaera zikloari, bi emakume kale-garbitzaileren bizitza kontatzen duen filma. Azken emanaldi hau azaroaren 25ean izango da arratsaldeko zortzietan  Solastiar Emakumeen Elkartearen eskutik. Ondoren ikusitakoaren inguruko zine-foruma egingo da.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa