Aiaraldeko Herrikadak musika taldeak bere lehen diskoa kaleratuko du datozen asteetan, taldeko kideek adierazi dutenaren arabera.
Herrikadak punk eta ska musikak jorratzen dituen taldea da. 2009ko udaberrian sortu zen Aiaraldeko gazte batzuen eskutik. Bizpairu hilabete entsaiatu ondoren, aurten lehenengo kontzertua eskaini zuten Maulen, uztail partean. Ondoren Laudioko jaietan jo zuten, txosnetan. Handik aurrera eta gaur egun arte beste hainbat txokotan entzunak izan dira, hala nola Urduñan, Amurrion, San Joan Astobitzakoan, edota aurtengo Laudioko jaietan, euren lehen urteurrenaren ospakizunean.
Hasiera batean, gehienbat, 80. hamarkadako taldeen bertsioak jotzen bazituzten ere, laster hasi ziren euren kanta propioak konposatzen. Horrela sortu ziren AHTrik ez! edo Etxetik joan zinen bezalako abestiak, apurka-apurka jarraitzaileak izatera iritsi direnak. Pasa den udaberrian, aldiz, Urduñako 12. gazte egunaren kanta egin zuten FTF Street Band eta Itxaropen Zikina taldeen laguntzarekin.
Aurreko guztia dela-eta, euren orain arteko ibilbidea islatuko duen diska kaleratzear daude. Diska horretan eurek konposatutako bederatzi kantu bilduko dituzte, tartean aipatu ditugunak.
Herrikadak taldearen inguruko informazio gehiago nahi izanez gero klikatu hemen.