Ehunka lagunek parte hartu zuten atzo Berlojatzen elkarteak deituriko kontzentrazioan, udalari hiri-antolamendurako plan nagusiak agintzen dituen etxe-eraisteen aurrean konpromisoak har ditzan eskatzeko.
2009ko azaroan, Aretako etxe arrosan dauden 80 etxebizitzetako eta Doctor Fléming eta José Arrúe kaleetan dauden 30 pisuetako bizilagunak euren etxeak eraitsiak izateko arriskuan zeudela konturatu ziren prentsan agertutako albiste bati esker. Izan ere, etxe horiek ibaiarekiko duten hurbiltasunak ez ditu Eusko Jaurlaritzako Ur Agentziaren exigentziak betetzen.
Arazoaz konturatutakoan, auzokideek udalera jo zuten euren etxebizitzen eraistea gauzatzean non berlojatuko zituzten esan ziezaieten. Baina udalak emandako informazioa guztiz zehaztugabea iruditu zitzaien, ez zuelako non ezta noiz berlojatuko zituzten zehazten, bitartean euren etxebizitzak antolamendutik kanpo geratzen zirelarik.
Horregatik, arazoarengatik kaltetutako auzokideek Berlojatzen elkartea sortu zuten, udalaren aurrean euren eskubideak defendatzeko. Azken hilabete hauek gainontzeko herritarrei arazoaz informatzera eta udalarekin akordio batera iristen saiatzera dedikatu dituzte.
Hasiera ibaiaren ibilbidean aldaketaren bat egitea soluziobide bezala aurkeztu bazen ere, plan hau oso garestia zela erabaki zen. Horregatik, eraikuntzen eraisketa nahiatezkoa dela ikusita, berlojapenen inguruan konpromiso sakonak har ditzan eskatu diote auzokideek udalari, atzoko kontzentrazioan ikusi ahal izan zen bezala.