Laudioko jaien bigarren zatia hastear dago. Bihartik aurrera, herrira bertaratzen diren guztiek beste bost jai egunez gozatu ahal izango dute, aste bateko geldialdiaren ostean.
Berakatz egunarekin emango zaio hasiera jaien bigarren zati honi eta, berakatzbazkariaz gain, beste hainbat ekintza burutuko dira egun horretan. Hala nola Erdizka Lauetan taldeak animaturiko dantzaldia edota, gau partean, MadeInLaudio ikusentzunezko proiektua.
Abuztuaren 26a, aldiz, Koadrilen eguna ospatuko da, koadrilen ohiko bazkariarekin eta Zoroak Inkurtul Taldeak antolaturiko Herri Kirolak Extreme lehiaketarekin.
Hurrengo egunean, aldiz, Baserritar eguna izango da herrian, goizean goiz abian jartzen den baserri produktuen azokarekin. Ondoren, eta beste ekintza askoren artean, Versen eta Herrikadak taldeen kontzertuak egongo dira txoznagunean.
Ondoren Odoloste eguna iritsiko da, ohiko odoloste afariarekin eta Akerbeltz taldeak antolaturiko kantzoltzilo eta kulero lasterketarekin.
Abuztuaren 29, jaien azken eguna izateaz gain, aurten egun historiko bilkatuko da, Kofradeen bazkarian emakumeen parte-hartzea onartuko den lehenengo aldia izango baita. Jaien amaiera, aldiz, ordu batzuk geroago gauzatuko da, Errokeren txakurraren erretzearekin, gaueko hamabiak aldera.