Iragan astean, eta eskola-komunitate osoaren oniritziarekin, Laudioko institutuaren izena aldatu egin zen. Laudioko Bigarren hezkuntzako Aiala Kantzelaria-Gregorio Marañon Institutua izena oso luze eta korapilatsua dela argudiatuta, hemendik aurrera zentroa Laudio Bigarren Hezkuntza Institutua bezala izendatu egingo da.
Ikasketa zentro hau 1953-54. kurtsoan jaio egin zen Aiala Kantzelaria izenarekin. Garai hartan industria eta meatze modalitateak jorratzen zituen lan-institutua zen. Hamarkada batzuk geroago, 1997-98. kurtsoan zehazki, Ugarteko Gregorio Marañon Lanbide Heziketako Institutuarekin batu egin zen, horrela aldatu berri duen izen luzearekin berrizendatu zelarik.
Baina izen-aldaketa honek ez du zentroak orain arte eskaini egin duen hezkuntza eskaintzan inolako aldaketarik ekarriko. Eta hala, antzinako Aiala Kantzelariaren Zumalakarregi etorbideko eraikinean D.B.H eta Batxilergoko klaseak ematen jarraituko dira Ugarteko Gregorio Marañonen eraikuntzan karakterizazio, ile-apaindegi eta estetikaren inguruko hainbat formazio-ziklo eskaintzen diren bitartean.