Aurten urte berezia izango da Laudioko Mikologia Elkartearentzat. Izan ere, hurrengo urrian elkartea sortu zenetik 30 urte beteko dira eta hori ospatzeko kideek hainbat ekintza berezi prestatu egingo dituzte.
Izan ere, aste mikologikoaren XXX. edizioa burutzeaz gain, Laudion XI. Mikotopaketa antolatu egingo dute. Azken hau 600 kide inguru dituen “Mikolist” foroaren urteroko bilera da eta Laudioko Mikologiako hainbat lagun foroan parte hartzen dutenez, aurten bilera hori Laudion ospatzea erabaki dute.
Bi ospakizunak urriaren 29tik azaroaren 4ra bitartean ospatuko dira. Egun guzti horietan zehar animatzen denak ziza eta onddoen inguruko hainbat ekintzatan parte hartu ahal izango du. Beste gauza askoren artean, erakusketez, mendi irteerez, ikus-entzunezkoez, sukaldaritza lehiaketez eta dastatzez gozatu ahal izango dute bertaratutakoek.
Egitaraua oraindik ixteke dagoen arren, jada baieztatuta dauden ekintzak Laudio onddoen hiriburu bilakatuko dela pentsarazten dute, zazpi egunetarako izango ez baldin bada ere.