Atzo, Maiatzak 18, asteartea, gizonezkoentzako etxeko lanen inguruko ikastaroa hasi zen Laudion. Arratsaldeko zazpietan eman zitzaion hasiera Laudioko Udalak antolaturiko ikastaro honi Euskal Gastronomi museoan eta, tokiari ohore egiteko edo, bertaratu zirenek sardina beteak nola sukaldatu ikasteko aukera izan zuten. Izan ere, sukaldaritza eta nutrizioaren arloak izango dira etxeko eta familia lanetan gizonen parte-hartzea handitzea helburu duen kurtso honetan gehien nabarmenduko direnak. Baina, bazkaria prestatzen ikasteaz gain, tailerrera apuntatutakoek josketa eta lisaketaren inguruko nondik norakoak argitzeko parada izango dute; azken bi arlo hauei, hurrenez hurren, 2 eta klase bana eskainiko zaizkielarik.
Guztira bi ordu eta erdiko hamar klase izango dituzte, astearte eta ostegunero, datorren ekainaren 17ra arte. Eta, atzo behintzat, parte-hartzaileek atsegin handiz jaso izan zituzten monitorearen argibideak, konfiantzazko giro parte-hartzaile bat sortuz, giro ezinhobea mendeetan zehar emakumeen betebeharra bezala kontsideratua izan dena ikasi eta praktikara eramateko.