02:30ean gertatu da sutea Laudioko herrigunean, Ibaizabal kalean, alegia, 112 larrialdi zerbitzuen arabera. Anbulantziek eramandako bi herritarrek kea arnastu dute.
Esan bezala, 02:30ak aldera jaso dute abisua suhiltzaileek eta berehala hurbildu dira lekura. Eraikineko balkoian ikusi dute pertsona bat laguntza eske 2. solairuan eta jaitsi dute eskailera mekanikoa erabilita. Horren ostean sutea itzali dute.
Zerbitzu medikuek eraman dute erreskatatutako herritarra egoera baloratu ostean. Hala ere, suhiltzaileek jakinarazi dute ez zegoela larri.
Horrez gain, beste suhiltzaile batek ere kea arnastu du lanean ari zela eta, bada ez bada ere, protokoloa jarraituz, anbulantziak eraman du.
Kalteak
Suhiltzaileek azkar amatatu dute sua, baina bi ordu gehiago egon dira Ibaizabalen ziurtatzeko berriro ez zela piztuko.
Etxebizitzaren egongelak kalteak izan ditu eta alboko etxebizitzan ere kea sartu da.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
