Laudioko EAJko udal taldeak mozioa prestatu du hurrengo udalbatzan eztabaida dezaten. Horrela, jeltzaleek proposatuko dute uraren kudeaketa osoa uztea (horniketa, banaketa eta saneamendua) Kantauriko Urkidetzaren esku.
Izan ere, EAJk egotzi dio EH Bilduri bere kabuz kontratatzea Edateko Uraren Hornidura Sareko Zerbitzu, Mantentze-lan eta Kontserbaziorako zerbitzua kanpoko enpresa batekin eztabaidarik sustatu gabe.
Horrela, jeltzaleek bi puntu plazaratuko dituzte. Alde batetik, 2017 ekitaldirako aurrekontuen aurreproiektuan aurrekontu diru sail bat gorde eta izendatzea Laudio udalerrirako uraren ziklo osoa izeneko zerbitzua Kantauriko Urkidetza Uren Partzuergoak (KUUP) prestatzeko bideragarritasun teknikoa eta finantzarioaren gaineko kanpoko azterlanaren erredakziorako.
Bestalde, azterlan hori erredaktatu ostean, Obra, Zerbitzu eta Mantentze-lanen Informazio Batzordean aurkezteko eskatu du Laudio Udaleko talde politiko ezberdinen artean eztabaidatzeko udalerriko uraren ziklo osoa Kantauriko Urkidetza Uren Partzuergoarekin partzuertzeko aukera.