Hainbat obra egingo ditu Udalak Ellakuriko futbol zelaian. Egitasmoaren xede nagusia izango da San Martineko zelaian egiten diren zenbait ekintza bertan egin ahal izatea. Hala azaldu du Amets Meaza zinegotziak. “San Martineko zelaia txiki geratu da erabilerari dagokionez. Bi klub daude gaur egun bertan (C.D. Laudio eta Altzarrate K.E.) eta zaila da bien arteko entrenamenduak kudeatzea”. Meazak adierazi du bi klubekin bildu direla obren nondik norakoak kontrastatzeko.
Zelai berria
Zelaian bertan egingo dute obra nagusia. Gaur egungo zorua kendu eta beste bat jarriko dute, hiru geruzaz osatutakoa: Polietilenozko lamina iragazgaitzazkoa lehenbizi, kautxuzkoa gero eta belar artifizialekoa azkenik.
Hortaz gain, hainbat berrikuntza egingo dituzte ureztatze sarean eta kirol ekipamenduetan. 30 metro karratuko bi aldagela berri jarriko dituzte, aniztasun funtzionala duten pertsonentzako beste batekin batera.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
