Mitina egin du Elkarrekin Ahal dugu koalizioak Laudion gaur arratsaldean. Lau izan dira bertan hitza hartu duten pertsonak: Cristina Makazaga (Arabako hautagaia), Joserra Becerra (Equo-ko Arabako hautagaia), Iñigo Martinez (Arabako Ezker Anitzako hautagaia) eta Pili Zabala (Lehendakarigaia).
Pili Zabala izan da lauretatik mikroaren aurrean jarri den lehena. Kontziliazioa izan du hizpide. Zabalak azaldu du lehendakarigai izatea proposatu ziotenean kontziliazioa izan zela, hain zuzen, burura etorri zitzaion lehen gauza. Hau da, nola uztartu ardura hori eta bere seme-alaben zaintza. Ildo horretatik, “politikaren feminizazioa” aldarrikatu du, eta adierazi du Elkarrekin Ahal dugu koalizioak eman izan dituela horri begirako pausoak. Ada Colau jarri du horren adibidetzat. “Gauzak hobeto kudeatu daitezkeela erakusten ari diren emakumeak dira”, adierazi du.
Joserra Becerrak, bere aldetik, Aiaraldea izan du hizpide, bera jaiotzez Urduñakoa baita. Eskualdeko industriaren aldeko apustua egin beharraz edota Nerbioi ibaiko urak depuratu beharraz mintzatu da, besteak beste.
Argazkiak: Txabi Alvarado Bañares