Laudio Tenis Klubak Gabonetako txapelketa antolatu du abenduan zehar. Hirugarren edizioa izan da aurtengoa; eta, arduradunen hitzetan, parte hartze handia izan du ekimenak, 80 kirolari aritu baitira: "Gabonetako txapelketan tenis eskolako ikasleek soilik izan dute parte hartzeko aukera, txapelketa soziala zelako". Lehiaketak kategoria ezberdinak hartu ditu bere baitan: benjaminak, infantilak eta Absolutuak. Gainera, maila guztietan emakumezkoak zein gizonezkoak lehiatu dira.
Euskal Herriko Tenis Federazioaren aitortza
Abenduaren 17an egindako ekitaldian Laudio Tenis Klubaren lana azpimarratu zuen Euskal Herriko Federazioak. Izan ere, "eskola kirol" alorrean lan handia egiten ari da taldea.
2017an, ekintza gehiago
Aurreratu dutenez, maiatzean "Txapelketa ireki" at antolatzeko asmoa du Laudio Tenis Klubak: "Benjamin eta kimu kategorietakoa izango da, gure umeak Euskal Herriko beste kirolariekin lehiatzeko". Ekainean, berriz, urteroko zita bihurtu den Tenis Eguna ospatuko dute Aldai plazan, kirola ezagutzera emateko. Aurtengo erronken artean, irailean txapelketa berri bat plazaratzeko asmoa dutela aurreratu dute: "Sari ekonomikoak ere banatuko ditugu partaideen artean. Euskal Herriko eta inguruetako jokalari onenak erakartzea nahi dugu, hemengo kirolariek haien kontra jokatzeko".