Eusko Jaurlaritzako Gazteria Zuzendari izendatuko dute Ander Añibarro

Erredakzioa 2017ko urt. 31a, 12:52

Ander Añibarro (eskuman) Laudioko Udal Osoko Bilkuran. Argazkia: aiaraldea.eus

Euskadiko Gazteria Kontseilua eta Erasmu+ programa zuzenduko ditu, besteak beste.

Ander Añibarro laudioarra izango da Eusko Jaurlaritzako Gazteria Zuzendari berria. Kultura saileko alorra izatetik gizarte-ekintzakoa izatera pasako da gazteriarena lege-agintaldi honetan.

Honako zerbitzu eta egitasmo hauek kudeatuko ditu Añibarrok, besteak beste:

*Gazte Informazio eta Dokumentazioaren Euskal Sarea.

*Euskadiko gazteentzako internet bidezko aholkularitza zerbitzua.

*Gazte-txartela, aterpe txartela, ikasle txartela, irakasle txartela eta GO-25 txartela.

*Auzolandegiak.

*Hegoaldeko herrialdeetan garapena sustatzeko kooperazio ekintzak.

Aiaraldean dituen beste zereginekin uztartuko du Añibarrok kargu berria, Laudioko Udaleko zinegotzia eta Aiarako Koadrillako presidentea ere baita.

Lau aiaraldear daude gobernuan
Añibarro ez da izango Eusko Jaurlaritzan ardurak izango dituen aiaraldear bakarra. Badaude baita Hernando Lacalle (Aurrekontu Zuzendaria), Irma Basterra (Landa Garapenerako Zuzendaria) eta Almudena Otaola (Kultura Saileko kabinete arduraduna).

Ander Añibarro Aiarako Koadrillako presidente izendatu zutenean eginiko bideoa:

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide