Liburua argitaratu duzu duela gutxi, zeri buruzkoa da?
Liburuaren ideia nagusia da nola sentitu eta pentsatu behar dugun gure bizitzara desiratzen duguna erakartzeko.
Alde batetik, gure gain errealitatearen eskema interpretatzaile berria jar dezagun beldurrak eta kezkak alde batera utzita.
Bestetik, bizitzaren ikuspuntu atseginagoa eta alaiagoa barneratzea ikasiaz gertaera desatseginak eta bat-bateko ustekabe txikiak erlatibizatzen. Nire helburu nagusia da irakurlearen bihotzean itxaropen eta ilusiozko haziak ereitea.
"Nire esperientzia pertsonaletan oinarritu dut liburua"
Zer liburu mota da?
Autolaguntza eta hazkuntza pertsonalari buruzko liburua da, hainbat diziplina biltzen dituena, hala nola, psikologia, metafisika eta espiritualtasuna; nire esperientzia pertsonala oinarritzat hartuta.
Era errazean kontatuta dago, teknizismorik gabe, edozein pertsonak ulertu ahal izateko, nahiz eta materia horietako informazioa ez izan. Bere bizi kalitatea hobetu nahi duen eta bizitzaren zentzua aurkitu nahi duen edozeinentzako liburua da, patuaren haria kontrolatu nahi duenari honen gidaria zoria izatea saihestuz.
"Bere bizi kalitatea hobetu nahi duen eta bizitzaren zentzua aurkitu nahi duen edozeinentzako liburua da"
Buru-osasunean trebatuta zaude. Hori islatu duzu liburuan?
Buruko osasunak gure bizitzaren esparru guztietan eragiten du. Hortaz, norberak sortzen duen bizimodu mota baldintzatzen du. Momentuan dugun egoera emozionalaren arabera pentsamendu jakin batzuk hautatzen ditugu, eta hauek berriz, emozio oso desberdinak sortzen dituzte.
Beraz, bakoitzak bere buruari eskaini ahal dion bizimodu motaren araberakoa da norberak duen buruko osasuna.
Non eskuratu daiteke?
Lo que mi alma ya sabía liburua edozein liburu-dendan eskatu daiteke eta baita Punto Rojo argitaletxeko web-orrialdean ere. Momentu honetan Laudion aleak Eroski supermerkatuan eta liburu-denda guztietan daude eskuragarri.
Aurkezpena egingo duzu laster.
Otsailak 17, ostirala, arratsaldeko 19:00etan liburuaren aurkezpena egongo da Laudioko Erabilera Anitzeko Aretoan. Bertan izanmgo nauzue zain, esperientziak partekatzeko eta bizitzaren magiari buruz hitz egiteko.