EAJk bat egin du amiantoaren epaiari helegitea ez jartzeko erabakiarekin eta arma bezala ez erabiltzeko eskatu du

Erredakzioa 2017ko otsailaren 23a

Laudioko EAJko udal taldeko kideak, Udal Osoko Bilkura. Argazkia: aiaraldea.eus

EAJk azaldu du amiantoa kentzeko lanekin jarraitu behar dela eta langileen segurtasuna bermatzeko hautua egiten duela.

EAJk oharra zabaldu du adierazteko babesa eskaini nahi diola Kepa Galdosen sendiari eta ados dagoela epaiari helegitea ez jartzeko erabakiarekin.

Zentzu berean, ziurtatu du justiziaren independentzia errespetatu eta sententzia bete behar dela.

Amiantoaren erabilera politikoa salatu du
Aldi berean, EAJk eskatu die Laudioko gainerako alderdiei gaia politikoki ez erabiltzeko, amiantoak guztiengan eragiten baitu mina. Gauzak horrela, aldarrikatu du: "Lerdea darioten estrategia merkeak erabilita eta populismo merkean murgildutako testigantza faltsuak plazaratu baino lehen, hartutako erabakiak ezagutu behar dira".

Berez, jeltzaleek berretsi dute amiantoa kentzeko lanek jarraitu behar dutela eta betebehar horretan langileen osasuna bermatzea ezinbestekoa dela.

Politika Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide