Mobilizazioa egingo dute gaur Laudion, 1976ko martxoaren 3ko gertakarien harira. 12:00etan izango da zita, Lamuza Plazan. “Kotxe kedada” egingo dute gero, 16:30etan Lanbide Heziketa Ikastetxearen aparkalekuan, Gasteizen arratsaldeko seietan egingo den mobilizaziora joateko.
Laudioko mobilizazioaren antolatzaileek irakurketa bat plazaratu dute biharko egunari begira. Bertan adierazi dute Laudion “oihartzun handia” izan zuela Gasteizen poliziak eginiko sarraskiak. “Erailketa horien biharamunean asanbladan bildu ziren Aceroseko langileak, eta arratsaldean fabrikako makinak gelditzea erabaki zuten”. Herriko Plazako elizan bildu ziren langileak. “Bertan adostu zen Aiaraldeko lehen greba orokorra izango zena, hiru egunetako iraupena izango zuena”.
"Etorkizunera begira"
Iraganera ez ezik, etorkizunera begira ere jarri dira mobilizazioaren antolatzaileak. “Klase borroka oinarri” izango duen alternatiba baten beharra aldarrikatu dute. “Horretarako beharrezkoa zaigu ostiraleko moduko egunetan kalera ateratzea”.
Irakurketa osoa hemen:
