Zubiko parkeko urbanizazioa eta haurren parkea laster bukatutzat emango dituztela dirudi. Urbanizazioak irisgarritasun arazoak konpondu ditu, eta sarrera gehiago izango ditu inguruak, Zubiko Etxearen atzetik, adibidez. Bestalde, hesiak murriztu dira eta aurrerantzean bankuen funtzioa beteko dute.
Horretarako Asfaltos y Construcciones Morga SL enpresari esleitu zizkioten lanak 166.500 euroren truke. Hori bai, asko luzatu direnez -irailean hasi ziren eta luzapen bat agortu dute-, udalak zigor espedientea jarri du martxan.
Bestalde, haurrentzako parkea -ur-jokoak, tirolina...- Arrizabal Elkartea SL enpresak egin ditu 47.916 euroko kontratuari esker. Gainera, irudietan ikus daitekeen moduan, sakelakoak eta gailuak kargatzeko tresnak jarri dituzte.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide