Laudioko udal langileen hitzarmena onartu zuten otsaileko udalbatzan. EH Bilduk eta EAJk aldeko boza eman zuten, PPk eta Omniak kontrakoa eta PSE-EE abstenitu zen.
Omniak argudiatu zuen zenbait ekarpen egin nahi zituela eta ez zirela onartu eta PSE-EEk azaldu zuen ikuskatzaileak ez diola oniritzia eman.
6 urtez egon dira udal langileak hitzarmenik gabe eta horregatik 2015ean sartuko da indarrean 2019an iraungitzeko.
Beharginen soldatei dagokienez, KPIk aginduko du igoeraren kopurua eta, gutxienez, % 1 igoko dute urtero. Horrez gain, kalkulatu dute udal langileek galdu dutela azken urteotan erosteko gaitasunaren % 6a eta modu mailakatuan berreskuratzea adostu dute.
Arreta zerbitzua arratsaldez
Gainera, udaletxeko herritarren arreta zerbitzua luzatuko dute arratsaldez ere eskaintzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
