aiaraldea.eus

Emaitza onak lortu ditu Herriaren taldeak asteburuko partidetan

Erabiltzailearen aurpegia Izar Mendiguren Cosgaya   Kirola  Laudio  Laudio: Areta

Aimar Amondo Herriarenak taldeko pilotariak jokatuko du Udaberri txapelketako finala.

Emaitza onak lortu ditu Herriaren taldeak asteburuko partidetan
Kadeteek eta haurrek jokatu dituzte partidak asteburuan. Argazkia: Herriaren | Ikusi handiago | Argazki originala

Asteburuan izan ziren Udaberria txapelketako finalerdiak. Herriarenak pilota elkarteko bi kirolari aritu ziren nor baino nor: Aimar Amondo eta Haimar Sez. Kadete mailako lau t'erdiko txapelketan Saezek 22-21 galdu zuen Aimar Quintanaren kontra. Aimar Amondok, aldiz, 22-13 irabazi zion Asier del Campori; eta, ondorioz, datorren ostiralean jokatuko den finalerako txartela lortu du.

Eskolarteko txapelketa
Bestalde, eskolarteko txapelketako finalerdiak izan dira asteburuan Ogeta pilotalekuan. Herriaren taldeko kadeteak elkarren aurka aritu ziren, eta Oier Piconek 16-15 garaitu zuen Axular Alonso.

Haur "A" mailan, berriz, batetik, Arkaitz Eskuza 16-5 gailendu zitzaion Zaramagako Leire Garairi. Bestetik, infantil "B" kategorian Amurrioko Iñaki Jimenez kanpo utzi zuen Herriaren taldeko Gorka Oribek, 13-16 bukatu zen partida eta. Herriaren taldeak azpimarratu du eskuz banakako txapelketan finalista bat izango duela kategoria bakoitzean. Hori dela eta, kirolari guztiak zoriondu ditu.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa