Iparraldeko Ligaren hamairugarren jardunaldia izan zuten Laudioko hockey jokalariek larunbatean. Kadeteen taldeari hiru goleko aldea atera zion R.S Tenis taldeak. Alabaina, partida ona egin zutela nabarmendu du entrenatzaileak, nahiz eta emaitza alde ez izan. Arduradunaren esanetan taldea osatzeko bost jokalari infantilen laguntza eduki zuten, "lan ona egin zuten".
Iparraldeko Ligako lehen mailan, berriz, R.S.Tenis taldea izan zuten aurkari. Laudioarrek 3-2 garaitu zuten R.S Tenis, Unai, Josu eta Migelen golei esker. Zelairatu ziren kirolarien artean Aitor, Jon eta Iker kadeteak egon ziren, aurrez haien taldearekin aritu zirenak.
Bestalde, igandean, Euskal Ligako laugarren jardunaldian aritu zen Ganbegi 6-2 H.T. Getxoko Jolaseta taldearekin neurtu zituzten indarrak 11:00etan. "Nahiz eta nekea pilatu izan partida ona egin zuten kadeteek, izan ere, bi partida jolastu zituzten jarraian. Asko ahalegindu dira eta partida irabazteko zorian egon dira", adierazi du entrenatzaileak. Gidariaren arabera, ezinbestekoa eta eskertzekoa izan zen jokalari infantilen laguntza. Aitor eta Jon izan ziren gol egileak.
Argazkiak: Juan Carlos Calavia