86.325 euro gehiago inbertituko ditu Arabako Foru Aldundiak kasinoaren terraza erabilgarria izateko

Erredakzioa 2017ko apirilaren 12a
Deskargatu Info Ahotsak :

Kasinoaren terraza barrutik./ aiaraldea.eus

Arabako Foru Aldundiak SOS Laudioko Lamuza Parkearen eskaera onartu du. Hala, erabilgarria izango da kasinoko terraza. Lanek 86.325 euro balioko dute.

Diru kopuru hori 916.328 euroko hasierako aurrekontuari gehitu behar zaio. Eraikina berreskuratzeko obrak urtarrilean hasi ziren, eta 6 hilabeteko iraupena izango dute, baina azkenengo aldaketa horien ondorioz hilabete gehiago luzatuko dira.

Aldundiak azaldu du hurrengo neurriak hartuko dituela: "altzairu ijetuzko egitura lagungarria sartuko da, eta, horrekin batera, bigarren barne eskailera bat eraikiko da terrazara igotzeko, oraingoarekiko simetrikoa, eta igogailu egokitu bat ezarriko da mugikortasun urritua duten pertsonentzat. Igogailuarekin eta eskailerarekin hobetu egingo da eraikina terrazatik husteko gaitasuna".

Kultura Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide