Atzo elkartu ziren udaleko eta CD Laudioko klubeko ordezkariak. Izan ere, CD Laudioko bazkide batzuek sinadura bilketa antolatu dute eskatzeko belar naturala mantentzea eta beste futbol zelai bat eraikitzea Ellakuritik gertu.
Esleipena eginda
Hala ere, udalak azaldu du aldarrikapena berandu egin dela, lanen esleipena ostiralean egin baitzen. Obrak 600.000 euro inguruko balioa izango du eta belar artifiziala jarri ez ezik, 3 aldagela gehiago ere eraikiko dituzte, bat irisgarritasun arazoak dituzten lagunentzat.
San Martingo azpiegiturak arintzea helburu
Belar aldaketaren xedea da Ellakuriko futbol zelaiari erabilera gehiago ematea. Berez, ehunka gaztek jokatzen dute Latiorroko instalazioetan eta txiki geratu dira.
Altzarratek bat egiten du udalaren asmoarekin
Altzarratek, Laudioko beste futbol klubak, adierazi du babesten duela Ellakurin egingo den aldaketa. Ordezkarien ustez, bertako azpiegitura gehiago erabili behar da. "Belar naturalak soilik ahalbidetzen du bi astean behin jokatzea zelaian, eta ez dauka zentzurik horrelako espazioa ez baliatzea", azaldu dute.
CD Laudioko zenbait bazkidek abiatu dute sinadura bilketa eskatzeko Ellakuriko futbol zelaiaren belarraren aldaketa ez gauzatzeko eta horren ordez beste futbol zelai bat eraikitzeko. Edonola ere, ostiralean udal batzordeak onartu zuen obren esleipena.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide