Bilera irekia deitu du biharko (maiatzak 17) SOS Laudioko Lamuza Parkea plataformak. 18:30ean izango da zita, Herriko Plazako areto balioanitzean. Laudioko Kultura Mahaia eratzea proposatuko du plataformak bertan. Arabako Kultur Mahaiko kideak egongo dira bileran, euren funtzionatzeko era eta egiten duten lana azaltzeko.
Prentsa oharra zabaldu du parkearen aldeko plataformak, herrian Kultur Mahaia osatzearen arrazoien berri emateko. Ohar horretan adierazi dute beti pentsatu izan dutela Lamuza Parkea izan behar dela herriko kulturaren “birikia”, zonaldearen “balio botaniko eta naturala bere izaera kulturalarekin bateratuz”. Baina apustua “asmo handikoa” izan behar dela uste dute plataformako kideek. “Ez dugu uste nahikoa denik dagoena berriztatzea, uste baitugu parkearen berreskurapena Laudioko biziberritzearen mugarri bat izan daitekeela eta izan behar dela”, azaldu dute. Parkea “erreferentzia esparru” bihurtzea da plataformako kideen askoa, “kulturaren sorkuntza eta erakusketa” fusionatuko dituena.
Lehen bilera
Horregatik egin dute Kultur Mahaia osatzeko deia, proposamen hori herriko beste kultur eragileekin landu, eztabaidatu eta akordioetara iristeko. “Beharbada gaur arte landu ditugun ideiak ez dira babestuenak izango Laudioko kultur kolektiboen artean, eta beste planteamendu batzuk egon daitezke”.
Hori dela eta , plataformatik adierazi dute lehen bilera hau deitzeko ardura hartu dutela, baina hurrengo bileretan “parte hartzaile bat gehiago” baino ez direla izango; eta gaineratu dute gaurko zitara bertaratzerik ez duten elkarteek ekimenarekiko atxikimendua bidali dezaketela mahaia@sosparkea.com helbide elektronikora. “Ordezkaritza oso zabal eta anitz bat bilatzen dugu”.
Laudioko Kultura Mahaia eratzea proposatu du SOS Lamuza Parkea plataformak
Bilera irekia deitu dute biharko, 18:30ean Herriko Plazako areto balioanitzean.
Erlazionatuak
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide