Aretako Traila egingo dute uztailaren 23an, lehenengo aldiz

Izar Mendiguren Cosgaya 2017ko uztailaren 19a
Deskargatu Info Ahotsak :

Trail baten artxibo irudia. / Aiaraldea.eus

12 kilometro eta 750 metroko desnibel positiboa izango du probak.

Aretako Jai Batzordeak aurreratu duenez, Traila antolatuko dute aurten lehendabiziko aldiz. Izan ere, berriki sortu dute Areta Trail taldea.

Lehendabiziko xehetasunak zabaldu dituzte dagoeneko. Ekimenari dagokionez, 12 kilometroko ibilbidea osatu beharko dute lasterkariek, eta 750 metroko desnibel positiboa izango du probak.

Aretako Kultur Etxetik aterako da lasterketa, eta toki berdina izango da helmuga. Dena den, bi horniketa puntu egokituko dituzte. Izena emateko epea zabalik dago, 5 euroren truke. Gaur-gaurkoz Aretako Kultur Etxean, Amurrioko Ortu Kirolaken eta Laudioko Olympus dendara jo daiteke horretarako. Dena den, egunean bertan ere eman ahalko da izena, antolatzaileen esanetan.

Ibilbidearen ezaugarriak
Ibilbideak Alpitxu, Goikogane eta Pagobakarra mendiak zeharkatuko ditu, besteak beste.
Ekimenaren berri emateko Facebook orria sortu dute. Bertan dago ikusgai ibilbidearen nondik norakoak laburtzen dituen bideoa.

Kirola Laudio Areta

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide