Aurkeztu berri dute Laudioko Ugarte auzoko jaien egitaraua, uztailaren 28tik 31era luzatuko dena. Jai Batzorde gaztea da Ugartekoa. Iaz jaio zen, ordura arte festak antolatzen zituzten pertsonen lekukoa hartzeko. Hainbat aldaketa eta berrikuntza sartu zituzten egitarauan. Aurten, berriz, programa egonkortu eta hobetzea izango dute helburu. “Ekintzaz ekintza aztertu dugu egitaraua, zein akats egin genituen aztertu eta nola hobetu ahalko genukeen jakiteko”, adierazi du Andoni Unzaga Añibarrok. Umeen Eguna nabarmendu dute Jai Batzordeko kideek. “Iaz gaizki ulertu bat egon zen eta ez zen puzgarririk ekarri, iragarrita zeuden arren”, aitortu du Aitor Otaola Soriak, eta iragarri du akats hori konpentsatzeko asmoa dutela aurten: “sekulako puzgarri zirkuitua eskainiko dugu”.
Prezioetan hobekuntzak
Ahalegina egin dute baita zenbait ekitaldiren prezioak jaisteko. Herri bazkariak 10 euro balioko ditu aurten, Jai Batzordeak bere gain hartuko dituelako beste zortzi euroak. Barraken jabeekin ere negoziatu dute antolatzaileek, tiketen prezioa 2 eurotan mantentzeko.
Musika eskaintza, iazko ildo beretik
Musika eskaintzaren aldetik, iaz jorratutako ildoari eutsiko diote. “Lehen jende gehiena goizeko ordu batetan igotzen zen auzora”, azaldu du Otaolak, “kontzertuak goiz jarrita jendea lehenago bertaratzea lortu dugu”. Aurten berriz igoko da oholtzara Bertan Bittersweet abeslari bilbotarra. “Iaz bertan behera utzi behar izan zuen kontzertua, eguraldiagatik”.
EGITARAU OSOA
Uztailak 28, ostirala
18:30 // Pregoiaren irakurketa eta txupinazoa, Ugarteko plazan
19:00 // Kalejira Kun kun batukadarekin
19:30 // Argazki Lehiaketaren hasiera, Dorrea Jatetxearen eskutik
20:00 // Arloteen kalejira
22:00 // Ostabe taldearen kontzertua
00:00-4:00 // Erromeria Akerbeltz taldearekin
Uztailak 29, larunbata
10:00 // Pilota partiduak Herriaren elkartearen eskutik, Lamuza Plazan
12:00 // Beteranoen partidua, futbito zelaian
13:30 // Poteoa Azeripoto trikitixa taldearen eskutik
15:00 // Herri bazkaria, San Inazio peñak antolatuta eta Ugarteko Gazteak elkarteak babestuta
17:30 // Bola-joko Arabarraren San Inazio Txapelketa, Lamuza Parkean
18:00 // Kickboxing eta zumba erakustaldia, karpan, Hajime Kirol Klubaren eskutik
19:30 // Zaldi probak, Lauzaldi elkarteak antolatuta eta Ugarteko Gazteak babestuta
22:30 // Disaster Now taldearen kontzertua
00:00 // Berta Bittersweet abeslariaren kontzertua
2:00 // Disko festa Oihan Vegarekin
Uztailak 30, igandea: Umeen Eguna
10:30 // Umeentzako krosa eta, jarraian, helduentzakoa
11:00 // Tokiko produktuen azoka
11:30 // Umeentzako puzgarri parkea
12:00 // Txori abeslarien lehiaketa
12:00 // Paella eta tortilla lehiaketa (txosnetan bazkaltzeko aukera egongo da gero)
13:30 // Poteoa Azeripotorekin
13:30 // Olagarro dastatzea El Pozo tabernan, Gregori bakarlari mexikarrak girotuta
14:00 // Paella eta tortillen entrega eta sari banaketa
16:15 // Mus txapelketa, txosnagunean. (Irabazlea Espainiako Masterrera joan ahal izango da)
17:30 // Umeentzako parkea puzgarriekin
19:00 //Herri kirol erakustaldia, Ugarteko Auzolan Elkartearen eskutik
20:00 // Odoloste jana herrikoia auzoko tabernetan eta txosnagunean
21:00 // Umeentzako Dja, Nueva Presionen eskutik
Uztailak 31, astelehena: Atzoko Gaztearen Eguna
12:00 // Igel-toka Txapelketa
Txapela jaurtiketa Txapelketa
13:00 // Meza San Inazio patroiaren omenez
14:30 // Atzoko gaztearen bazkaria
17:30 // Taylor magoaren ikuskizuna
18:30 // Bingoa
21:00 // Berbena eta karaokea Diskoplayren eskutik
0:00 // Jaien amaierako traka