aiaraldea.eus

[EFEMERIDEA] Lau ume hil ziren duela 80 urte Aretan, gerra zibileko granada baten eztandaren ondorioz

Erabiltzailearen aurpegia Erredakzioa   Historia  Laudio  Laudio: Areta

Uztaileko jaietako pregoia baliatuko dute Gerra Zibileko bonbardaketak gogora ekarri eta bizirik jarraitzen duten lekukoak omentzeko.

[EFEMERIDEA] Lau ume hil ziren duela 80 urte Aretan, gerra zibileko granada baten eztandaren ondorioz
Bonbardaketen ondorioak jasotzen dituen argazkia. | Ikusi handiago | Argazki originala

1937ko ekainaren 20an hil ziren Aretan Encarnación, Josefina, Lucio eta Pedro. Lehen hirurak familia berekoak ziren eta laugarrena lagun bat zen. Egun batzuk lehenago topatu zuten granada batekin jolasten ari ziren, honek eztanda egin zuenean. Bosgarren ume bat -Estanislao Martín Carrión- larriki zauritu zen, baina bizirautea lortu zuen.

Jaietako pregoia
Bizirik jarraitzen du Martinek. Berarekin kontaktuan jarri dira Aretako Jai Batzordeko kideak, uztaileko festetako pregoiari begira. Gerra Zibilean herrian pairatutako bonbardaketak ekarriko dituzte gogora Kultur Etxeko balkoitik  jaiei hasiera eman baino lehen. Ikerketa historikoa egin dute horretarako. “Alemaniarrek bonbardatu zuten Areta. Tren bat eztanda arazi zuten eta hainbat eraikin suntsitu zituzten. Hainbat hildako eta zauritu egon ziren”, adierazi dute batzordeko kideek, “kontaktuan jartzen gabiltza garai gogor horiek bizi izan zituztenekin, pregoira bertaratzera gonbidatzeko”.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa