Laudioko EAJk salatu du udalak galdu egin duela udalerriko saneamendu sarea “egokitu, konpondu eta modernizatzeko” foru laguntza eskatzeko aukera, “saneamenduaren inguruko ordenantzarik ez duelako”. Alderdi jeltzaleko kideek azpimarratu dute “saneamendu sareko zenbait zatitan” ez dela sarerik existitzen edo oso egoera txarrean dagoela.
“Sei urte dira, legealdi oso bat eta erdia, EH Bilduk ordenantza berri bat erredaktatzeko izan duen denbora”, salatu dute alderdi jeltzaleko kideek, eta gaineratu dute Foru Aldundiak “ordenantza horren eredua” eskaintzen duela, “nahikoa litzateke zuriz agertzen diren hutsuneak betetzearekin”. Jeltzaleen ustez, EH Bilduk ardura gutxi erakutsi du laudioarren interesekiko, “bizkarra eman dio laudioarrok jada ezagunak ditugun usain txarrak kentzeko bideari”. Hori dela eta, “lanean hastea” eskatu diote udal-gobernuari.
Usain txarrak ekiditea ahalbidetuko luke diru-laguntza horrek, Alderdi Jeltzalearen arabera.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide