Laudio Wellnes Crew taldeko bi kide egon dira Spartan Race oztopoen lasterketako lehenengo sailkatuen artean

Erredakzioa 2017ko ekainaren 26a
Deskargatu Info Ahotsak :

Josu Bergara "Matula"./ Laudio Wellness

Josu Bergara eta Miguel de Dios Laudio Wellnes taldeko kirolariak asteburuan Bilbon lehiatutako Spartan Race lasterketan aritu ziren. Miguel de Diosek 16. postua eskuratu zuen eta Josu Bergara 31. sailkatu zen.

4.000 parte-hartzaileren artean nabarmentzea lortu zuten Laudio Wellnes taldeko Miguel de Dios eta Josu Bergara "Matula" lasterkariek Spartan Race proban. Ospe handiko oztopoen lasterketa da asteburuan egindakoa.

Miguel de Dios Sprint 5 km kategorian lehiatu zen eta 16. sartu zen helmugan. Josu Bergarak Elite kategoria hautatu zuen. Hasieran oso ondo ibili zen eta lehenengo 10 sailkatuen arten egon zen ia lasterketa osoa.

Hala ere, heltzeko 4 kilometro falta zirelarik lesioa izan zuen eskuineko hankan eta zerbitzu medikuek artatu ostean, 31. postua erdietsi zuen.

Kirola Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide