Mobilizazioa egingo dute Guardianeko langileek ostegunean, “zilarreztatze instalazioaren ixtea” salatzeko

Erredakzioa 2017ko ekainaren 27a

Guardianeko langileek eginiko mobilizazioa, artxiboko irudi batean. / aiaraldea.eus

Azken hamarkadan lantegian “ia 200 lanpostu” finko galdu direla salatu du komiteak.

Laudioko lantegiko zilarreztatze atala “behin betiko” itxiko du Guardian enpresak. Hala salatu dute Enpresa Komiteko kideek. Langileen ordezkariek azaldu dute instalazio hori ez dela desagertu bertan ekoizten diren produktuak jada fabrikatzen ez direlako, “beste lantegi batzuetan ekoizten direlako baizik”.

Langile batzordeko kideek adierazi dute “harritzekoa” dela fabrikako zuzendaritza “horren lasai” ikustea, lantegia “geroz eta txikiagoa” den bitartean, “lanpostuen etengabeko galera” medio.

Sindikatuek adierazi dute azken hamarkadan “ia 200 lanpostu” galdu eta lau instalazio itxi direla Laudioko fabrikan. Hori dela eta, mobilizazioa deitu dute ostegun honetarako. Elkarretaratzea egingo dute lantegiaren atean 12:00etatik 16:00etara. Langile guztiak animatu dituzte txanda aldaketetan mobilizaziora gerturatzera.

Ekonomia Laudio

Erlazionatuak

Guardianeko zilarreztatze gunearen itxieraren aurka mobilizatu dira

Erredakzioa 2017 ots 09 Laudio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide