32.975 euro baliatuko dituzte udal-hilerrian hainbat obra egiteko

Laudioko udal-hilerriaren artxibo irudi bat. / aiaraldea.eus

Zoladura eta lorategia moldatuko dituzte, besteak beste.

Laudioko Udalak iragarri du hainbat obra egingo dituztela udal-hilerrian. 32.975 euro baliatuko dituzte horretarako. Aurrekontuaren %  64a  -21.102 euro- Arabako Foru Aldundiak finantzatuko du eta gainontzekoa udalak jarri beharko du.

Erorketen aurkako babes-sistema instalatzea da aurreikusi duten obretako bat. Hainbat zuhaitz moztuko dituzte baita, euren itzalak hilobien kontserbazioan eragiten duelako. Hortaz gain, moldatu egingo dituzte hilerriko zoladuraren 260 metro karratu, makinaria bertatik pasa dadin. Amaitzeko, lorezaintzarekin erlazionatutako hainbat lan egingo dituzte.

Hiru asteko epea
Amets Meaza zinegotziak jakinarazi du ikasturte berriarekin batera abiaraziko dutela obraren esleipena. Behin hori eginda, hautatutako enpresak hiru aste izango ditu lan guztiak egiteko.

Meazak gogorarazi du udalak beste 50.000 euroko partida duela hilerrian nitxo berriak eraikitzeko, baina gaineratu du oraindik ez dutela zehaztu noiz egingo diren lan horiek.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide